Dekani i ri në Fakultetin e Shkencave Kompjuterike: Një përkushtim ndaj Inovacionit në Intelegjencën Artificiale-AI

Në një ceremoni zyrtare në Kolegji-n AAB u zhvillua pranim-dorëzimi i detyrës menaxhuese në Fakultetin e Shkencave Kompjuterike, një nga njësitë më të rëndësishme akademike në fushën e teknologjisë dhe inovacionit në Kosovë.

Prof. Ass. Dr. Jusuf Qarkaxhija, dekani i deritashëm, ia dorëzoi detyrën ekspertit të AI, Dr. Sc. Arben Ahmetit, i cili tashmë merr rolin e dekanit të ri të Fakultetit të Shkencave Kompjuterike në Kolegji AAB. Me këtë rast, Rektori i Kolegjit AAB, Dr.Sc.  Blerim Olluri theksoi rëndësinë e këtij tranzicioni për vazhdimin e forcimit të pozitës së fakultetit si lider në arsimin e lartë, kërkimin shkencor dhe inovacion në AI në rajon.